ब्रेकिंग

गुन्हेगारी जगत

पोलिसांनी पकडला तीन लाखांचा गुटखा

Wrutuja pandharpure
01 Jun 2025

चिपळूण : चिपळूण तालुक्यातील मुंबई-गोवा महामार्गावरील कापसाळ येथे गुरुवारी रात्री उशिरा गुटखा वाहतूक करणार्‍या मोटारीसह २३ लाख ९४ हजार रुपयांचा मुद्देमाल पोलिसांनी जप्त केला. याप्रकरणी एकाला अटक करण्यात आले आहे. मिळालेल्या माहितीनुसार, पोलिसांनी केलेल्या कारवाईत तब्बल १६ लाख ९४ हजार रुपयांचा गुटखा चिपळूण पोलिसांनी ताब्यात घेतले आहे.

सिंधुदुर्ग जिल्ह्यातून गुटख्याची मोटार चिपळूणमध्ये येत असल्याची माहिती पोलिसांना मिळाली होती. त्यानुसार उपविभागीय पोलीस अधिकारी राजेंद्रकुमार राजमाने, पोलीस निरीक्षक फुलचंद मेंगडे यांच्या मार्गदर्शनाखाली पोलीस उपनिरीक्षक हर्षद हिंगे यांच्यासह गुन्हे प्रकटीकरण शाखेचे पोलीस हवालदार वृषाल शेटकर, पोलीस हवालदार संदीप मानके, पोलीस नाईक रोशन पवार या पथकाने कापसाळ येथे सापळा रचत संशयास्पद मोटार तपासणीसाठी थांबवण्यात आली होती.